د فخرافغان باچا خان ارمان

اذهب الى الأسفل

د فخرافغان باچا خان ارمان

پست  Admin في الأربعاء يونيو 11, 2008 11:28 am

د فخرافغان باچا خان ارمان
اجمل خټک
هسې خو نن خپل دے کۀ پردے دے، هر څوک په خلۀ هر څۀ وئيلے شي خو حقيقت دادے چې د فخرافغان ، باجاخان بابا اول او اخر ارمان دا وۀ او دا مونږ ته ارمان پروت دے چې پښتون پښتون شي ـ ځکه چې هغه وائي چې کۀ پښتون پښتون شي نو بيا دے څوک غلام کولے نشي اؤ ددې ارمان پوره کولو د پاره هغۀ بنيادي ضرورتونه د خپل ژوند او جدوجهد د عمل په ډګر ښئيلي دي ـ
څه وخت چې د فخر افغان بابا د ټوټي هډوکے بې ځايه شواؤ هغه په خپلو پښو د ګرځيدو جوګه پاتې نشو او په مشيني کرسۍ کې په اولس او پښتون ئي په سوچه معنو کې د پښتون کولو کوششونه شورو کول، د هغې څۀ حال شو؟ دلته نن په هغې بحث نۀ کوم بلکې دوه بنيادي خبرې کول ـ
ددغه معذورۍ په حال کې چې کابل کې پروت وۀ اؤ زه به ورسره ناست پاست ووم نو اکثر به ئې هر وخت دا ارمان کولو چې ( پښتون) مجله بيا روانه شي ـ د هغۀ ټرسټ کار شورو کړي او مرکز (سردرياب) بيا ودان او فعال شي ـ دلته جلال آباد کې زه تعليمي اداره جوړول غواړم چې هغه جوړه شي ـ
پښتون مجله شکر دے ، روانه شوه اؤ ټرسټ هم کار شورو کړے دے ـ مرکز کۀ سردرياب پاتې نه دے نو پېښور ښار کې يو ښه د کار مرکز ودان اؤ روان شو ـ د تعليمي ادارې خبره لا پاتې ده ـ @ د لر اؤ بر مشران د هغې ارادې خبرې هم کوي ـ انشاءالله دا ارمان به هم پوره کيږي ـ د باچاخان روح ګوري چې افغان پښتون څه کوي يعني لوئې تاريخي ملت به دا ارمانونه اؤ ددې په بنياد د پښتون نه پښتون جوړيدل اؤ د لوئې ملي تاريخي وطن اؤ اولس ته يو زور اؤيو کور دا ارمان څنګه پوره کيږي ـ يوه ملي وينه اؤ مينه شته ـ هغه رالړزيږي، راپاريږي اؤ تاريخي ملت خپل هدف ته انشاءالله جمتو کيږي ـ د بابا ددې لوئې تاريخي ارمان لارې چارې معلومې دي ـ د هغه د تحريک وارثان اؤ مدعيان کۀ په هغې عمل کوي ، لروبر هيواد اؤ نړۍ کې د هغۀ د تحريک خدائي خدمتګار صداقت، پت اؤ حېثيت ٍثابت دے اؤ ٍثابتيږي ـ د بابا د رحلت اؤ جنازې د کټ جلوس د پېښور د جناح پارک نه د جلال آباد د شيشم باغ کې تر کور او ګور پورې چې د لروبر افغان پښتون د ملي جذبې يو مثالي اظهار وۀ اؤ بيا اوس اوس چې د ملي رهبر ولي خان فاتحې اؤ جنازې ملک رالړزولے وۀ، هغه بې مثاله انداز وۀ چې خپلو پردو ټولو منلے دے م دا زمونږ د نني ساست برکت نه وۀ اؤ نه دے ـ ددې ملي مشرانو د تحريک او قيادت هغه مړانه اؤ استقلال دے چې د خپل محروم قام ، ټول ملک، علاقې بلکي انسانيت د پاره د خدائې د مخلوق د خدائې د پاره خدمت وۀ ـ د جذبې ، موقف ، عقيدې او ايمان سره ئې لرلواؤ کولو ـ نن خپل اولس ، سيمه او نړۍ زمونږ نه هم دغه تحريک غواړي اؤ دنيا دې ته نه ګوري چې مونږ د سردرياب د مرکز په شان د وښو اؤ خټو،لوټو هغه جونګړه کې ناست يو ـ چې د ټولې پښتونخوا خدائي خدمتګارو په خپلو لاسو جوړه کړې وه ـ اؤ ابادوله ئې ـ کۀ د کروړونو روپو مرکز لرو، بلکې دې ته به ئې نه ګوري چې مونږ د پښتون د کور اؤ ورور جوړولو د پاره خپل اولس سره ، ملک سره اؤ نړۍ سره څه رويه ، سياست اؤ تعلق ساتو ـ څه وايو اؤ څه کووـ د کالج يونيورسټۍ جوړولو ارمان ډير زيات وۀ ـ هغه د جلال آباد ښار شيشم باغ زمکه اؤ هلته خپل موجوده کور ددې د پاره خوښ کړے وۀ ـ سردار محمد داؤد خان ورسره خبره منلې وه اؤ مرستې ته ورسره تيار وۀ اؤ په دنيا کې اؤ ګوند کې ئې دوستانو سره هم خرې کولې ـ د سردار محمد داؤد خان په وخت کې ددې مقصد د پاره شيشم باغ د ټولې برخې سروے هم شوې وه ـ د عالمي ادارو د ابادۍ ماهرانو ، انجينئيرانو ، معمارانو سره باچاخان صلاح مشورې هم کړې وې ـ اؤ کولې ئې اؤ نقشه اؤ د ګوتو ماډل هم جوړ شوے وۀ ـ دلته چې زه څۀ وئيل ضروري ګڼم ، هغه دادي چې دا نن د بابا قبر کوم ځائې دے ، دغلته د باچاخان بابا سره صداقت ، فقيرخان بائيزے ، منشي سحرګل مومند اؤ زه ولاړ وو اؤ بابا راسره د خپل ارمان د تعليمي ادارې خبرې کولې ـ دې لړ کې ئې وئيل چې په دې ځائې ( په کوم ځائې چې مونږ ولاړ وو ) به زما قبر وي ـ صداقت صيب وې ـ نه بابا! د يونيورسټۍ مينخ کې به ځائې خوښيږي نو هلته به ستا قبر وي ـ په دې خبره بابا موسکے شو اؤ وئېوئيل : که زه د يونيورسټۍ نه وړاندې مړ شوم نو بيا؟ د فخرافغان بابا ددې تعليمي تربيتي ادارې په حقله اراده دا وه جې ددې ادارې هر څه به په هر لحاظ د نوې دنيا د جديد ترين ادارې په شان وي ـ په روح به ئې خدمتګار وي ـ اؤ دلته به د آزادو قبائيلو هغه ماشومانې داخليږي چې بې د خدائې نه ئې بله اسره نه وي ـ په دې منشي سحرګل اووئيل ـ بابا نو زما غوندې خلقو ماشومانې به څه کوي ؟ هغه په موسکۍ ژبه اووئيل ـ نو اول حق د بې اسرې ماشومانو دے ـ فقيرخان بائيزي تپوس اوکړو ـ بابا! زه ستا خبره کې خبرې نه کووم ـ خو هسې ځان سره وايم چې ماشومان هلکان به پکې نه داخليږي ـ بابا اووئيل، زه کله داسې وايم ـ زه به درته اداره جوړه کړم، تاسو ته دې خدائې زړه درکړي جې داسې اداره شي ، چې د ټولې دنيا د نړۍ نه د خدائې خدمتګارۍ د پاره تعليم اؤ تربيت حاصلولو له خلق دلته راځي ـ بابا وئيل ـ دا ماشومانې چې دلته داخلې شي نو تر د اعلی تعليم او تربيت به دلته وي ـ د هر څۀ ذمه واري به ئې د ادارې وي ـ خو ملکانې به ترې نه جوړيږي ، خدائي خدمتګارې به وي ـ عقيده اؤ ايمان به ئې د خدائې د مخلوق اؤد خدائې د پاره خدمت وي ـ ( باچاخان به ددې زمانې هغه جينکو ته چې د نوي تهذيب ترې څه نوے شے جوړ کړے دے ، ملکانې وئيلې ) ـ
خدايه سپرلے کړې چې دا سرې وينې ګلونه شي بيا
د خوئيندو مائيندو لوپټې سرۀ نشانونه شي بيا
@سږ کال باچاخان ايجوکېشن فاونډېشن په ډيره کاميابۍ کار شورو کړے دے ـ چارسده اؤ متهره پېښور کې دوه پرائمري اسکولونه روان دي ـ اؤ په کال دوه زره اتم کې به لس نور اسکولونه هم کار شورو کوي ـ
په مننه مياشتنۍ (پښتون) پېښور
خیبر واچ

Admin
Admin

تعداد پستها : 31
Registration date : 2007-09-08

خواندن مشخصات فردي http://pendar.forum.st

بازگشت به بالاي صفحه اذهب الى الأسفل

رد: د فخرافغان باچا خان ارمان

پست  Admin في الخميس يونيو 12, 2008 10:33 am






Admin
Admin

تعداد پستها : 31
Registration date : 2007-09-08

خواندن مشخصات فردي http://pendar.forum.st

بازگشت به بالاي صفحه اذهب الى الأسفل

رد: د فخرافغان باچا خان ارمان

پست  Admin في الخميس يونيو 12, 2008 7:40 pm


Admin
Admin

تعداد پستها : 31
Registration date : 2007-09-08

خواندن مشخصات فردي http://pendar.forum.st

بازگشت به بالاي صفحه اذهب الى الأسفل

بازگشت به بالاي صفحه


 
صلاحيات هذا المنتدى:
شما نمي توانيد در اين بخش به موضوعها پاسخ دهيد